Putus Cinta

ONOK arek lanang jenenge Bejo
asale ndeso merantau nang kutho
tujuane mbantu wong tuwo
opo ae gelem sing penting kerjo

Kerjo nang kutho kerjo bangunan
soro-soro thithik sing penting mangan
lek onok duwik turah dilebokno celengan
lek wis cukup ditukokno sandhangan

Tuku klambi nang tugu pahlawan
modhele apik masio lungsuran
klambi lungsuran digawe malam mingguan
nang lapangan kodam nggolek gendhak’an

Nasipe Bejo termasuk apik
onok arek wedok sing ora nampik
pandangan pertama langsung tertarik
senajan Bejo ora gableg duwik

Telung ulan pacaran berakhir tragis
pacare gak tahan berkencan cumak ngisis
dhasare Bejo dompete lagi krisis
pacare ngajak nang McD malah ditukokno tahu petis

Pacaran putus Bejo ora pusing
pancene wong urip kudu tahan banting
putus cinta ojok nganti dadi sinting
sopo ngerti mene malah ditaksir Ayu Ting-ting ***

*) Oalah Jo, Jo. Yo ngono, dadi cowok kudu tahan banting. Urip iki keras, ojok malah dadi wong melas. Harus tegas, trengginas ojok hanya goro-goro putus cinta pikiran cupet terus bunuh dhiri nguntal tawas.

Sakmene ae dhisik, dulur, critaku dino iki tentang si Bejo. Mene-mene tak sambung maneh.

Mangan lontar rasane asin, lek Sampeyan arep komentar gak usah isin. Tak enteni! 

Salam.

Jaman Teknologi Informasi

SAIKI jamane Fesbuk
akeh uwong sing dadi mabuk

online terus sampek isuk

wayahe kerjo mripate ngantuk

Fesbuk ngono kadhang yo perlu

iso nambah konco pirang-pirang ewu

tapi ojok sampek nulis status palsu

jare OTW mBali padhahal nang omah turu

twitter iku wis seje maneh

mikro bloging panggone ngoceh

mbahas sing serius nganti sing remeh

iso diwoco karo wong akeh

abad saiki abad informasi

ojok sampek gagap teknologi

perkembangan jaman majune mesti

ojok sampek kari nang mburi

nang internet iku kabeh yo onok

mulai sing sopan sampek sing jorok

mangkane ati-ati lek arep nontok

ojok mbukak sing nggarai ati bobrok

ora nang internet ora nang ndalan

modhele busana ora karuan

opo maneh sing dienggo arek prawan

potongane ngapret koyok klambi kurang bahan *****

Jakarta Kebanjiran

BANJIR menggenangi Jakarta

meluas hingga kemana-mana

tidak hanya melanda rumah biasa

tetapi sampai masuk istana

banjir gedhe arane bandhang

kabeh omah iso diterjang

begini nasib kalau sudah malang

banjir datang ada nyawa yang hilang

banjir Jakarta dudu lelucon

ora apik digawe guyon

tapi onok bocah sing malah bluron

adus nang kali karo ciblon

Jakarta pemimpine wis ganti

dulu bang Foke sekarang Jokowi

ayo konco melu ndongani

mugo-migo banjire ndang mari *****